Sunnmøre vs Verda

På di nye Heimebane får du mange turar med heile skulen. Her finn du Geiranger, Hjørundfjorden, Ålesund, Flø, Stranda­fjellet, Sunnmørsalpane og Runde.

Du får med andre ord verdsarvområder i Geiranger saman med turistar frå heile verda. Og i Hjørundfjorden møter du Hurtigruta og cruiseskip blant djupe fjordar  og sylkvasse vestlandstindar.

På Runde kan du sjå lundefuglen side om side med dedikerte naturfotografar med fotoutstyr til verdiar tilsvarende ein SUV.

På Strandafjellet helsar du på skiprofilar og får laussnøkøyring i verdsklasse midt i Sunnmørsalpane. Til slutt får du spennet mellom Ålesund, Noreg sin vakraste by, og ein liten kunstnarstad på Flø.

I Tanzania får du sjølvsagt oppleve ein storslått safari med løver og elefanter i Mikumi nasjonalpark, og du får bade i azurblått hav. I den vesle landsbyen Ilula vil du bli kjent med skulen sin Stop Poverty-partner.

Her får du også eit heilt unikt møte med ein Masai-stamme før opphaldet blir avslutta med at klassen i smågrupper besøker kvar sin vertsfamilie. Då får du tilbringe ein dag på landsbygda hos ei familie som bur i jordhus med stråtak og lager maten sin på bål. Dette er kvardagen for dei, og ei heilt uvanleg oppleving for deg.

Opphaldet i Tanzania avsluttast i Lushoto der du får lære meir om det verdsvide Peacemaker-arbeidet.
Les meir om turen på linjesida til Global.Safari.

Sør-Afrika er for mange det ultimate reisemålet. Cape Town er lokalisert på sør-vestspissen av det afrikanske kontinentet, mellom Det indiske hav og Atlanteren. Byen er gjennom århundra ein stoppestad på reisa mellom Europa og Asia. Sørpolen er berre ei lang båtreise unna.

På denne turen vil fokuset til dømes vere på apartheid, globalt medborgarskap og aktivitetar som workshops, fallskjermhopp, surfing, golf, safari og verdas høgaste strikkhopp på 216 meter. Det er også tid til eit vertsfamiliebesøk med overnatting og ein tur innom fengselscella til Nelson Mandela på Robben Island.

Fleire ulike linjer reiser til Sør-Afrika. Innhaldet vil variere frå linje til linje og du finn meir info om turopplegga på dei ulike linjesidene.

Bli med på ei reise gjennom Aust-Europa. Nokre stopp er korte, andre plassar er vi på litt lengre besøk. Alle stadane er du likevel lenge nok til at du rekk å høyre språket, smake på maten, kjenne pulsen og merke lydane og luktene som møter deg.

Vel framme på Sardinia, ei øy som ligg vest for Italia i Middelhavet, er det mange surfespot med godt over 200 surfedagar i året. Det gjev utfordringar på alle nivå.  Her kan du også sitje å sjå utover havet, padle kajakk inn i rolege viker, segle i Middelhavet eller hoppe frå klippar i Cala Luna.

Undervegs køyrer vi rundt og blir kjend på øya. Når kvelden kjem, samlast vi rundt bordet for ein deilig italiensk pasta.

Les meir om turen på linjesida til SjøSnøSurf

I løpet av året reiser linja på studietur til London. Her får du det meste av det beste. Du får ulike workshops, musikalar, konsertar og studiobesøk.

Som om ikkje det er nok, reiser du rett frå London til Sør-Europa der du møter linja SjøSnøSurf. Då venter dagar på interrail gjennom Italia, Kroatia, Ungarn, Tsjekkia og Tyskland. Du kan gle deg til å sjå nye storbyar og til å få opplevelsar utanfor togvinduet kvar einaste dag.

Vi får innblikk i historie og den politiske situasjonen, men mest av alt eit møte med dei som bur der – menneske som på ulike måtar er ramma av konflikten og okkupasjonen. Du besøkjer nokre av dei heilage stadane, du er på hike med beduinar, drikk te med nye vener i Star Street, bader i Dødehavet eller søv under open himmel i ørkenen. Dei siste to åra har linja reist til nabolandet Jordan pga krigen. Reisemålet for skuleåret 2025/26 blir bestemt i samråd med UD sine reiseråd. 

Les meir om turen på linjesida til Global.Safari.

I Sharm el Sheikh ved Rødehavet finn du Maldiviene-lignande strender, krystallklart vatn, fleire titalls dykkerspots med korallrev og ein vatntemperatur på 25-30 grader. Du vil få dagar med snorkling og dykking med luft. Du får også eit internasjonalt godkjent «PADI Open Water Diver»-sertifikat som gjer det mogleg å dykke vidare på eigahand.

Reisemålet kan bli endra som følge av den politiske situasjonen eller andre grunnar.